Sunday 10 February 2008

من دعاء النبى صلى الله عليه وسلم


اللهم آتنا في الدنيا حسنة وفي الآخرة حسنة وقنا عذاب النار .اللهم إني أعوذ بك من الفقر ، والقلة والذلة وأعوذ بك من ان أَظلِم أو أُظلَم .يامقلب القلوب ثبت قلبي على دينك
*********
اللهم إني أعوذ بك من العجز والكسل والجبن والهرم والبخل ، وأعوذ بك من عذاب القبر ومن فتنة المحيا والممات .الله أهدني وسددني ، اللهم إني أسالك الهدى والسداد
*********
اللهم إني أعوذ بك من منكرات الأخلاق ، والأعمال والأهواء. اللهم إني أعوذ بك من قلب لا يخشع ، ودعاء لا يُسمع ، ومن نفس لا تشبع ، ومن علم لا ينفع . أعوذ بك من هؤلاء الأربع
*********
اللهم إني أعوذ بك من زوال نعمتك ، وتحول عافيتك ، وفجأة نقمتك ، وجميع سخطك .اللهم إني أعوذ بك من جار السوء في الدار المقامة ، فإن جار البادية يتحول .اللهم إني أسألك علماً نافعاً ورزقاً طيباً متقبلاً

*********
اللهم إني أعوذ بك من شر ما عملت ومن شر ما لم أعمل .اللهم إني أعوذ بك من يوم السوء ، ومن ليلة السوء ، ومن ساعة السوء ، ومن صاحب السوء ، ومن جار السوء في دار المقامة
*********
اللهم أكثر مالي وولدي وبارك لي فيما أعطيتني .اللهم إني أسألك يا الله بأنك الواحد الأحد الصمد الذي لم يلد ولم يولد ولم يكن له كفواً أحد أن تغفر لي ذنوبي إنك أنت الغفور الرحيم
*********
لا إله إلا الله العظيم الحليم ، لا إله إلا الله رب العرش العظيم ، لا إله إلا الله رب السماوات ورب الأرض ورب العرش الكريم . اللهم إني أسألك الجنة وأستجير بك من النار
*********
اللهم رحمتك ارجو فلا تكلني إلى نفسي طرفة عين ، وأصلح لي شأني كله ، لا إله إلا أنت .اللهم طهرني من الذنوب والخطايا اللهم نقني منها كما ينقى الثوب الأبيض من الدنس .اللهم طهرني بالثلج والبرد والماء البارد
*********
لا إله إلا أنت سبحانك إني كنت من الظالمين .اللهم إني أسالك بأن لك الحمد لا إله إلا أنت (وحدك لا شريك لك) المنان يا بديع السموات والأرض ياذا الجلال والإكرام يا حي ياقيوم إني أسألك (الجنة وأعوذ بك من النار)

*********
اللهم إنك عفو كريم تحب العفو فاعف عني .اللهم ارزقني حُبك وحُب من ينفعني حُبّهُ عندك ، اللهم مارزقتني مما أُحبُ فاجعله قوة لي فيما تحب ، اللهم ما زويت عني مما أُحب فاجعله فراغاً لي فيما تحب
*********
اللهم إني اسألك عيشة نقية وميتة سوية ومرداً غير مخزٍ ولا فاضح.اللهم قنعني بما رزقتني وبارك لي فيه واخلف عليَّ كل غائبة لي بخير .اللهم ألهمني رشدي وأعذني من شر نفسي
*********
اللهم إني أسألك العافية في الدنيا ولآخرة .اللهم متعني بسمعي وبصري واجعلهما الوارث منيِّ وانصرني على من يظلمُني ، وخذ منه بثأري .اللهم أعني علي ذكرك وشكرك وحسن عبادتك

*********
اللهم احسن عاقبتنا في الأمور كلها ، وأجرنا من خزي الدنيا وعذاب الآخرة
*********
اللهم إني أعوذ بك من العجز والكسل والبخل والهرم وعذاب القبر ، اللهم آت نفسي تقواها زكها انت خير من زكاها ، أنت وليها ومولاها .اللهم إني أعوذ بك من علم لا ينفع ، ومن قلب لا يخشع ، ومن نفس لا تشبع ، ومن دعوة لا يستجاب لها
*********

اللهم إني أسألك من خير ما سألك منه نبيك محمد صلى الله عليه وسلم ونعوذ بك من شر ما استعاذ منه نبيك محمد صلى الله عليه وسلم ، وأنت المستعان وعليك البلاغ . ولا حول ولا قوة إلا بالله .اللهم إني أسألك علماً نافعاً وأعوذ بك من علم لا ينفع
*********
اللهم ربَّ جبرائيل وميكائيل وربَّ إسرافيل أعوذ بك من حر النار ومن عذاب القبر .اللم إني أعوذ بك من شر سمعي ، ومن شر بصري ، ومن شر لساني ، ومن شر قلبي ومن شر منيي
*********
اللهم إني أعوذ بك من العجز والكسل والجبن والبخل والهرم والقسوة والغفلة والعيلة والذلة والمسكنة ، وأعوذ بك من الفقر والكفر والفسوق والشقاق والنفاق والسمعة والرياء ، وأعوذ بك من الصمم والبكم والجنون والجزام والبرص وسييء الأسقام

*********
اللهم اجعل أوسع رزقك عليّ عند كبر سني ، وانقطاع عمري .اللهم إني أسألك بأني اشهد أنك أنت الله لا إله إلا أنت الأحد الصمد الذي لم يلد ولم يولد ولم يكن له كفواً أحد
*********
رب أعني ولا تعن عليّ ، وانصرني ولا تنصر عليّ وامكر لي ولا تمكر عليّ ، وأهدني ويسر الهدي إليّ ، وانصرني على من بغى عليّ ، رب اجعلني لك شكاراً لك ذكاراً ، لك رهَاباَ ، لك مطواعاً إليك مخبتاَ أوّاهاً منيباَ ، رب تقبل توبتي ، واغسل حوبتي ، وأجب دعوتي ، وثبت حُجتي واهد قلبي ، وسدد لساني ، وأسْلُلْ سخيمة قلبي

*********

اللهم إني أعوذ بك من البرص والجنون والجذام ، ومن سيئ الأسقام .اللهم قني شر نفسي واعزم لي على ارشد أمري ، اللهم اغفر لي ما اسررتُ وما أعلنتُ ، وما أخطأتُ وما عملتُ وما جهلتُ
*********
اللهم حاسبني حساباً يسيراَ .اللهم إني أسألك فعل الخيرات وترك المنكرات حُب المساكين ، وأن تغفر لي وترحمني ، وإذا أردت فتنة قوم فتوفني غير مفتون ، وأسألك حُبّك ، وحب من يُحبِك ، وحُب عمل يقربني إلى حُبك

*********
اللهم فقهني في الدين .اللهم احفظني بالإسلام قائماً ، واحفظني بالإسلام قاعداً واحفظني بالإسلام راقداً ولا تشمت بي عدواً ولا حاسداً . اللهم إني أسألك من كل خير خزائنه بيدك ، وأعوذ بك من كل شر خزائنه بيدك

*********
اللهم إني أعوذ بك من الجبن وأعوذ بك من البخل ، وأعوذ بك من أن أُرد إلى أرذل العمر ، وأعوذ بك من فتنة الدنيا وعذاب القبر .اللهم جنبني منكرات الأخلاق ، والأهواء ، والأعمال ، والأدواء
*********
اللهم أغفر لي خطيئتي وجهلي وإسرافي في أمري ، ما أنت أعلم به مني . اللهم اغفر لي هزلي وجدي ، وخطئي وعمدي وكل ذلك عندي .اللهم إني أعوذ بك من غلبة الدَّين ، وغلبة العدوِّ ، وشمائة الأعداء
*********
اللهم إني ظلمت نفسي ظلماً كثيرا ولا يغفر الذنوب إلا أنت . فاغفر لي مغفرة من عندك ، وارحمني إنك أنت الغفور الرحيم .اللهم اغفر لي واهدني وارزقني وعافني ، أعوذ بالله من ضيق المقام يوم القيامة

*********
رب اغفر لي وتب عليّ إنك انت التواب الغفور.اللهم لك أسلمت وبك آمنت وعليك توكلت وإليك أنبت وبك خاصمت .اللهم إني أعوذ بعزتك لا إله إلا أنت أن تضلني أنت الحي الذي لا يموت والجن والإنس يموتن
*********
اللهم إنّا نسألك موجبات رحمتك ، وعزائم مغفرتك ، والسلامة من كل إثم ، والغنيمة من كل بر ، والفوز بالجنة والنجاة من النار. اللهم إني أعوذ بك من البخل والجبن وسوء العمر وفتنة الصدر وعذاب القبر

*********

اللهم مصرف القلوب صرف قلوبنا على طاعتك .اللهم إني أعوذ بك من التردي والهدم والغرق والحرق ، وأعوذ بك أن يتخبطني الشيطان عند الموت ، وأعوذ بك أن أموت في سبيلك مُدْبراً وأعوذ بك ان أموت لديغا

*********
اللهم إني أعوذ بك أن اشرك بك وأنا أعلم وأستغفرك لما لا اعلم .اللهم إني أعوذ بك من الجوع فإنه بئس الضجيع ، واعوذ بك من الخيانة فإنها بئست البطانة
*********
اللهم اصلح لي ديني الذي هو عصمة أمري ، واصلح لي دنياي التي فيها معاشي واصلح لي آخرتي التي فيها معادي ، واجعل الحياة زيادة لي في كل خير ، واجعل الموت راحة لي من كل شر
*********
اللهم ألف بين قلوبنا ، واصلح ذات بيننا ، واهدنا سبل السلام ، ونجنا من الظلمات إلى النور , وجنبنا الفواحش ما ظهر منها ومابطن ، وبارك لنا في أسماعنا وأبصارنا وقلوبنا وأزواجنا وذرياتنا ، وتب علينا إنك أنت التواب الرحيم ، واجعلنا شاكرين لنعمك مثنين بها عليك قابلين لها وأتممها علينا

*********
اللهم آتنا في الدنيا حسنة وفي الآخرة حسنة وقنا عذاب النار .اللهم إني أعوذ بك من الفقر والقِلة والذِلة ، وأعوذ بك من أن أَظلم أو أَظلم ، يا مُقلب القلوب ثبت قلبي على دينك

*********
اللهم إني أعوذ بك من شر ما عملت ، ومن شر ما لم أعمل .اللهم إني أعوذ بك من يوم السوء ، ومن ليلة السوء ، ومن ساعة السوء ، ومن صاحب السوء ، ومن جار السوء في دار المقامة
*********
لا إله إلا أنت سبحانك إني كنت من الظالمين . اللهم إني أسألك بان لك الحمد لا إله إلا أنت وحدك لا شريك لك المنان (يا) بديع السماوات والأرض ياذا الجلال والإكرام ياحي يا قيوم إني اسالك الجنة وأعوذ بك من النار

*********
اللهم رحمتك أرجو فلا تكلني إلى نفسي طرفة عين ، واصلح لي شأني كله ، لا إله إلا أنت ، طهرني من الذنوب والخطايا ، اللهم نقني منها كما ينقى الثوب الأبيض من الدنس ، اللهم طهرني بالثلج وبالبرد والماء البارد
******************





Tuesday 26 June 2007

اجازات ...... أهلا





الحمد لله الامتحانات خلصت و عدت بس يا رب النتيجة تبقى حلوة عشان متبقاش اجازة غم و هم عليا و على الشعب كله

البوست دا متأخر شوية اصل انا خلصت امتحانات من هنا و طرت على البحر و الشمس و الهوا :)


لازم الواحد يعيش الصيف بقى باذن الله راجع للمدونة قريبا

والله المدونيين كلهم وحشونى و متأسف فعلا انى مقصر فى حقهم







Friday 18 May 2007

امتحانــــات ... أهلا


و بكل أسف و زى ما بيقولو الامتحانات بقت على الابواب

دا مش كدة بس دى فتحت الابواب و بتدور عليا

ربنا يستر بجد

امتحاناتى هتبدأ 26 / 5 / 2007 ان شاء الله

ادعولى بقى يا جماعة اعرف ازاكر كويس اولا

و ادعولى احل كويس فى الامتحانات

و ادعولى الدكاترة يبقو حنينين علينا

و اللجان تبقى حلوة ;)

و التيجة متظهرش خالص و ان ظهرت تبقى حلوة

معلش انا عارف انى طماع فى الادعية الكتير دى

بس ادعولى بقى

يا رب ... انجح

و مفيش مشكلة لو اجيب تقدير

و من جد وجد و من زرع حصد

و زاكر تنجح .. غش تجيب تقدير





Saturday 7 April 2007

تــــــــــاج تجتوج متجتج





دى اول مرة اجاوب على تاجات و هحاول بقى تكون اجاباتى نموذجية و مش هغش من حد و لا برشام و لا موبايل و لا

بتاع ...... فكرتونى بأيام الامتحانات الله لا يرجعها ايام سووودة الواحد بيبقى قاعد فى اللجنة زى البرص الجعان و مركب دش على راسه اى كلمة تعدى من فوقه يلقط على طول ... اياااااااااااااام


ما علينا من الامتحانات دلوقتى خلينا فى التاج اللى جاللى من ارتعاشات حياتيه


نخش بقى على المفيد و سيبك من البعيد يلا كله جاهز شد نفس و اكتمه و فيش الهوامش و انزل معايا ........ أصــــــلى

-------------------------------

تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارستها ..


تنفصل عن عالم الواقع دى بتفكرك لما الواحد بيتكيف و يعمله دماغ عالية زى الواد بلية و دماغه العالية كدة اديها بقى جوينتات على كام خابور شد شدتين على نفسين شيشة يا سلاام بس انفصلت عن عالم الواقع خلاص ..... هههههههههه بهزر يا جماعة محدش يصدق انا اعمل الحاجات دى بردة !! انا شاب محترم يعنى بانجو مثلا بس لكن حشيش لا استغفر الله و البامجو بيقولو حلال .. بيقولو المفتى حلل البانجو لانه محلى الصنع !!
هوا الكمبيوتر طبعا من و انا صغير و انا بموت فيه يعنى لما ببقى ادامه بنسى نفسى و انسى العالم و انسى كل حاجة بس فى الآونة الاخيرة ... حلوة " الآونة " دى ؟ مبقتش بحبه زى الاول زهقت منه يا بابا مش قادر اكمل لازم نتفترق


*-*-*-*-*-*-*-*-*-*-*-*-*-*-*-*


هل مقدار سعادتك أو شعورك ايا كان- عند تمرير التاج لك- يختلف حسب المدون الذي يمرر لك التاج ؟


هيا بتختلف مع ان دا اول تاج ليا بس اكيد بيبى فى معزة خاصة لمدون معين و مدون تانى بيبقى له خروف مثلا يعنى هيا بتختلف بس دا بيختلف مع مبدأ المساواة و ان كلنا سواسية و مع مبادئ الحرية و الديمقراطية و المهلبية و نظرية على هبالو ....... بس لا والله عادى اى تاج يجيبلى من اى مدون بفرح و ببقى مبسوط اى كان المدون


-*-*-*-*-*-*-*-*-*-*-*-*-*-*-*-*


هل ترى للتاج أهمية حقيقية ؟


طبعا ابصلوطلى التاج له فوايد كتير كدة زى السفر سمعت انهم بيقولو له سبع فوايد .. البهدلة و القرف و مش عارف الباقى التاج بقى زيه كدة له فوايد .... بجد له فوايد يعنى مثلا بيديك فرصة انك تبعبر عن نفسيتك و تفك كدة عن نفسك و تخرج شحنات منخزنة جواك يعنى انا أعتقد انه فكرة حلوة

*-*-*-*-*-*-*-*-*-*-*-*-*-*-*-*-*

هل فكرت في عمل تاج خاص لك من قبل؟


لا يا عم تاجات مين بيقولو بيقبضو على اللى بيعملو تاجات الايام دى و يودوهم سجن ابو غريب و احنا مش اد سجن ابو غريب يا كبير

..... بس يمكن عشان انا لسه مدون جديد و كدة و دا اول تاج ليا لكن باذن الله يبقى فى تاجات كتير و حاجات كدة


*-*-*-*-*-*-*-*-*-*-*-*-*-*-*-*-*


هل تفضل قراءة اجوبة التاج عند المدونين الاخرين؟ أم لا تهتم سوى بالتدوينات الأخرى فقط؟


اكيد طبعا بحب اقرا اجوبة تاجات الاخوة المدونين يلا اشطة عشان محدش يزعل موننا


*-*-*-*-*-*-*-*-*-*-*-*-*-*


عندما ترد على التاج ما الذي تراعيه اكثر؟


براعى بقر و جواميس و حاجات كدة ... يعنى ممكن نقول بحاول تكون الاجابات وافية و كافية و لا تشير بأى حال من الاحوال الى اى شئ من الاشياء و اى غرض من الاغراض و اى فعل من الافعال ..... فاهمنى طبعا !! ؟


*-*-*-*-*-*-*-*-*-*-*-*-*-


هل تحرص على قراءة اجابات من تمرر لهم التاج ؟ و هل تغير إجابتهم للتاج شيئا في ادراكك لهم ؟


قطعا مو لما امرر لواحد تاج اكيد ببقى عايز اعرف اجاباته على التاج دا ولا ايه ؟ و هقتبس المثل الشعبى من ارتعاشات حياتيه

" قل لي ما تاجك .. اقول لك من انت "

*-*-*-*-*-*-*-*-*-*-*-*-


هل تلتزم حرفيا بأسئلة التاج ؟


ازاااى مينفعش دا يبقى تزوير فى اوراق رسمية و بيبقى مكتوب على كراسة الاجابة و لن يلتفت الى اى اجابات مش عارف ايه

اكيد شفتوها يعنى قبل كدة ؟ يعنى س سؤال يبقى الاجابة ج جواب بس


*-*-*-*-*-*-*-*-*-*-*-*-*-*-*-*


ما هي نوعية التاجات التي تفضلها؟


افضل تكون سكر زيادة منزوعة الدسم مع شوية نسكافيه بلاك و لو مفيش بلاك ممكن نسكافيه من غير لبن !! عادى


*-*-*-*-*-*-*-*-

هل كنت طالب شاطر فى المدرسة ؟

و ليه بس كدة الأسئلة اللى تكسف دى متخلو الطابق بعرور بقى ... انا لغاية 3 ابتدائى كنت شاطر و متفوق و طالب مثالى بعد كدة انجرفت مع التيار ... و ووقعنا بالطيارة !! بس محدش يفهمنى صح انا لسه شاطر بردة ... مش اوى يعنى


*-*-*-*-*-*-*-*-*-*-*-*-*

إيه أكتر مادة حبيتها في المدرسة والكلية؟


فى المدرسة كنت بحب الانجليزى و الالمانى اوى و فى الكلية بقى مش لاقى مواد احبها خالص


*-*-*-*-*-*-*-*-*-*-*


إيه أكتر مادة كرهتها في المدرسة والكلية؟


هيا بتختلف على فكرة اصل اللى بيزاكر بينجح و من جد و جد و من زرع حصد و كل سنة و انتو طيبين و كيلو البصل بكام ؟


*-*-*-*-*-*-*-*-*-*-


كنت عايز تطلع إيه وأنت صغنن؟


صغنن ايه بس انا عمرى ما كنت صغنن ... بس كنت عايز اطلع برج القاهرة بس لما كبرت الموضوع اتغير خالص طبعا تفكيرى اتغير و كدة و بقيت عايز اطلع الهرم

-*-*-*-*-*-*-*-*-*-*


اخيرا خلاص بــح بوجه شكر و تحية لـ ارتعاشات حياتيه لتمريره التاج ليا ... ربنا يخليك و يخليلك عيالك و يوقفلك ولاد الحلال فى طريقك و ميوقفكش فى ضيقة ابدا و يفكلك كل عقدة ... هات ربع جنيه بقى


يا رب مكنش تقلت عليكم

Monday 2 April 2007

اللهم صلى على سيدنا محمد


اللهم صلى على سيدنا محمد و على آل سيدنا محمد كما صليت على سيدنا ابراهيم و على آل سيدنا ابراهيم انك حمـــيد مجـيــــد
و بارك على سيدنا محمد و على آل سيدنا محمد كما باركت على سيدنا ابراهيم و
على آل سيدنا ابراهيم انك حمــــيد مجـــيد

فداك أبى و أمى يا رسول الله

Wednesday 21 March 2007

ازاى تبقى شاب غلس ؟؟؟؟؟

بص يا سيدي . . علشان تكون شاب غلس لازم تسمع الكلام اللي انا بقولة دا كويس .. ركز معايا
- قوووول نكتة جاااااامدة طحن و طويلة . . و ف النهاية - ف الحتة بتاع الافية - قول انا نسيتها .. و لو عايز قمة
الرخامة .. قول كنت عارفها بس نسيتها و كانت جااامدة اوي
..
- هات بخاخة مطهر"ديتول"و امشي ورا صاحبك .. كل ما يمسك حاجة .. قوم ترشها بالبخاخة علي طوووول
- طول مانتا قاعد قلد صوت الفاكس !!
- لو انتا ف مكروباص و اللي جنبك غفل و نام .. قلد صوت تلكس العربية..و قول :تييييييييييت..- لو رخم اوي و
مصحيش .. صحيه .. و لو نام تاني صحية تاني .. خليك وراة يا نجم!!
- و انت بتتكلم ف موضوع اسكت او اقطع كلامك - بس اعمل انطباع انك هتكمل-و ما.......بس خلاص
- لما حد يشتكيلك من حاجة اسمع منة كويس اوي اوي.. و بعد كدا قولة : انا عندي مشاكل اكتر من يا جدع..فكك مني
- ف المطعم بص لواحد و انتا ف ايدك اللقمة بصلة وقت طويل اوي..و قولة لما تحس انة بدأ يستغرب "ممكن الطحينة ثواني!!"
- لو انتا قاعد مع اصحابك بتتفرجوا ع التلفزيون و فصل الارسال و عمل التلفزيون صوت : وش ش ش ش ش ..علي الصوت اوي
- لو مفصلش..غير القناه قبل نهاية المتش او المسلس ب 5 دقايق- او ف حتة جااامدة-
- و انتا قاعد مع اصحابك صفر نشيد بلادي بلادي- كرر الحركة بعد 10 دقايق- كل ما حد يقول حاجة قولة:هاها..كل الناس فاكرة زيك كدا!!
- استلف قلم من صاحبك .. وحط طرفة ف بقك ... و اعمل نفسك بتفكر اوي ف حاجة و مندمج- وانتا قاعد تعضعض ف القلم!!
- اضحك لواحدة ف الشارع بصوت عالي و قولها:طب و انتي عاملة اية؟
- لو كنت بتتفرج مع اصحابك علي فيلم ف اوله..احرقة ف جملة واحدة!!- و هما بيتفرجوا و تيجي حتة
معينة..قلهم:انا مش قلتلكم!!
ف المترو امضغ اللبانة بصوت عالي و ادوش اللي جانبك- لو كان بيقرا جرنال اقرا معاه..و علي صوت اللبانة يا نجم
- لو واقف واحد متعرفوش جنبك بيعد فلوس .. ف نص الفلوس قولة رقم عشوائي
واخيرا احب اديكوا نصيحة مش عارف معناها..لما واحد يغلس عليك..قولة:-
ثبت علميا ان الانسان بيولد مش بيبيض
!! انا حاسس اني غلست عليكو

Thursday 8 February 2007

لغة شباب اليومين دول - جيل اخر زمن




حول اللغة السرية للشباب تعالوا (( نرمى ودانا فى حجرهم )) ونشوف بيقولوا اية ؟؟؟؟؟


يبدأ يوم الشباب عندما تتجمع (( العصابة )) يعنى الشلة كل (( مورنينج )) عند (( ناصية الرمش )) وهى عبارة عن مكان تتوافد إلية مجموعة من بنات النادى أو الجامعة معظمهم بنات (( إستبن )) يعنى غير أصحابهم الآساسيين وكل بنت لها المصطلح الخاص بها يعنى لو البنت حلوه يطلق عليها (( أوكشة )) (( فى الزيف )) يعنى فى الجون ولو لابسة جزمة كعب عالى (( ألآستوك بيتوك )) أوحتة (( شامبو )) يعنى ريحتها حلوة ومستحمية !!!


ولو البنت صغيرة يطلق عليها (( أووزى )) ولو كانت البنت الاجمل فى الشلة يطلق عليها (( النتفة )) أما لو كانت قبيحة الشكل تبقى (( صندل مقطوع أو ضاربها طبنجة )) ولو البنت تخينة تكون (( اتوبيس )) ولو كانت غير متناسقة القوام او الملامح تسمى (( سلعووه ))ولو كانت لعوباً يطلق عليها (( هشكة )) ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!


ولو كانــت البنت سمـراء البشرة تسمى (( ضالمة من قارة افريقيا )) أو (( مزرقة )) ولو كانت بنت من مكان شعبى تسمــى(( بيئة ))....


وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى ))وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ...ولو الولد زهق (( اتخنق )) من البنت أو العكس يقولها (( سمعينى بودعك )) أو (( حديها الدبلة )) ....وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف(( الموكوس )) الغلبان ....


خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك(( تاكسى )) يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش )) يعنى بخيل ...


(( تس تس )) يعنى رزل وممل ... (( شامورتى )) يعنى خنييق ..(( توت فروت )) مظهرجى ... (( خفشاوى )) غير واضح وهايف ... (( شنيش )) يعنى لامؤخذة هفأ .. !!!


ولو الولد تعبان فى المذاكرة يعنى (( جايب جاز والشراب هوى ومتخرتق )) !!!وأكثر مصطلحات متداولة هذة الايام(( العب باشكا )) يعنى العب على المكشوف !!(( حطيت إيدى على البلف )) يعنى فهمت الموضوع !!!


(( أدعك الفانوس دلوقتى )) يعنى ممكن تمشى وترحل !!!(( أرحلك )) أخرجك من الشلة !!(( الجوند )) فلوس !!(( مكيش القفف )) معاه فلوس كتير !!(( يا صباح المظلات )) للمتقدمين للكليات العسكرية !!(( فهمـى )) يعنى نفض وكبر الجمجمة !!!(( أحلق )) طنش !!!(( انت حتزاولنى )) انت حتشتغلنى !!!


(( مهييس )) عامل دماغ وطاير قووى !!!(( يا صباح اللى بتغنى )) صباح الخير !!(( يا مساء الليل )) يعنى يا مساء الخير !!!(( فوكك )) سيبك من الموضوع دة !!!


(( أراك أمس )) يعنى مش عايز اشوفك تانى !!!(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!!(( كل معرفتى بيه .. هاى باى )) يعنى مش صاحبى قوى !!!(( شوليطى . موليطى )) يعنى مش معايا فلووس .. مفلس !!ومن مصطلحات الاغانى المنتشرة بكثرة هذة الايام الاتى :(( انا رايح ألعب مع روبى )) يعنى انا رايح الجيم !!!(( تعالوا نحصل ماريا )) تعالوا نلعب شوية !!(( انت بتقلد روبى ؟ )) يعنى بتخبى وبتدارى !!(( أنت كدة تعجب بوسى سمير )) يعنى انت حطيت النقط على الحرووف


ايه رأيكم يا شباب