Wednesday 21 March 2007

ازاى تبقى شاب غلس ؟؟؟؟؟

بص يا سيدي . . علشان تكون شاب غلس لازم تسمع الكلام اللي انا بقولة دا كويس .. ركز معايا
- قوووول نكتة جاااااامدة طحن و طويلة . . و ف النهاية - ف الحتة بتاع الافية - قول انا نسيتها .. و لو عايز قمة
الرخامة .. قول كنت عارفها بس نسيتها و كانت جااامدة اوي
..
- هات بخاخة مطهر"ديتول"و امشي ورا صاحبك .. كل ما يمسك حاجة .. قوم ترشها بالبخاخة علي طوووول
- طول مانتا قاعد قلد صوت الفاكس !!
- لو انتا ف مكروباص و اللي جنبك غفل و نام .. قلد صوت تلكس العربية..و قول :تييييييييييت..- لو رخم اوي و
مصحيش .. صحيه .. و لو نام تاني صحية تاني .. خليك وراة يا نجم!!
- و انت بتتكلم ف موضوع اسكت او اقطع كلامك - بس اعمل انطباع انك هتكمل-و ما.......بس خلاص
- لما حد يشتكيلك من حاجة اسمع منة كويس اوي اوي.. و بعد كدا قولة : انا عندي مشاكل اكتر من يا جدع..فكك مني
- ف المطعم بص لواحد و انتا ف ايدك اللقمة بصلة وقت طويل اوي..و قولة لما تحس انة بدأ يستغرب "ممكن الطحينة ثواني!!"
- لو انتا قاعد مع اصحابك بتتفرجوا ع التلفزيون و فصل الارسال و عمل التلفزيون صوت : وش ش ش ش ش ..علي الصوت اوي
- لو مفصلش..غير القناه قبل نهاية المتش او المسلس ب 5 دقايق- او ف حتة جااامدة-
- و انتا قاعد مع اصحابك صفر نشيد بلادي بلادي- كرر الحركة بعد 10 دقايق- كل ما حد يقول حاجة قولة:هاها..كل الناس فاكرة زيك كدا!!
- استلف قلم من صاحبك .. وحط طرفة ف بقك ... و اعمل نفسك بتفكر اوي ف حاجة و مندمج- وانتا قاعد تعضعض ف القلم!!
- اضحك لواحدة ف الشارع بصوت عالي و قولها:طب و انتي عاملة اية؟
- لو كنت بتتفرج مع اصحابك علي فيلم ف اوله..احرقة ف جملة واحدة!!- و هما بيتفرجوا و تيجي حتة
معينة..قلهم:انا مش قلتلكم!!
ف المترو امضغ اللبانة بصوت عالي و ادوش اللي جانبك- لو كان بيقرا جرنال اقرا معاه..و علي صوت اللبانة يا نجم
- لو واقف واحد متعرفوش جنبك بيعد فلوس .. ف نص الفلوس قولة رقم عشوائي
واخيرا احب اديكوا نصيحة مش عارف معناها..لما واحد يغلس عليك..قولة:-
ثبت علميا ان الانسان بيولد مش بيبيض
!! انا حاسس اني غلست عليكو

29 comments:

Anonymous said...

ثبت علميا ان الانسان بيولد مش بيبيض

fazeee3333 :D:D enta gamed begd

ShAb 3AdY said...

ert3ashat : ربنا يخليك و يكتر من أمثالك

علي الالفي said...

اشكرك جدا ع النصايح دي
بس للاسف ان انا تلقائيا بمجرد دخولي هندسة اكتسبت ما هو اغلس و اغلس
تحياتي

ShAb 3AdY said...

لا شكر على واجب
انا مبعملش غير الواجب لانتاج جيل غلس من الدرجة الاولى

الراقـــص مع الذئـــــاب said...

يع اخييييييييييييييه
موضوع بايخ اوي


لالالا مش قصدي....بس بقولك علي حاجة نسيتها في الغلاسة
انك تدخل في المدونات التانية وتكتب 100 رد كلهم يععع اخيه موضوع بايخ ومدونة بايخها

تحياتي لك
موضوع دمه خفيف
سلام

ShAb 3AdY said...

شكرا على النصيحة ان شاء الله هضيفها فى موسوعة الغلاسة المتناهية

يع اخييييييييييييييييييييييه

كومنت بايخ اوى

منور البلوج يا باشا

Music Gates said...

لا والله اثبت جدرتك يابني بس لو كنت عايز تعرف الغلاسه صح كنت تيجي مع كوبا
ده انا كنت مطلع عين منتدي في حوالي ربع مليون عضو سيتك الغلاسه لا تشتري هههههههههههه دي فطرة في الانسان بس االواحد لازم يمرن نفسه من الحين للحين

ShAb 3AdY said...

على رأيك يا copa لازم الواحد يمرن نفسه من وقت لاخر
على راى المثل الشعبى

الغلاسة تعاسة و كل غليس تعيس

المهم منور البلوج يا copa

belal said...

قشطات .. كل بتوع كفر الشيخ كده ..ولا المرض لسه ماتنشرش

david santos said...

Hello!
Good wor. thank you
have a good day

ShAb 3AdY said...

كفر الشيخ ايه بس يا عم
لو لم اكن منصوريا لوددت ان اكون منصوريا اوى

منور المدونة يا بلال

ShAb 3AdY said...

david santos : thanx
have a good day 2

عاشقة الوطن said...

ايه يسيدى الغلاسة والرخامة اللى سيادتك فيها ديه
قصدى يعنى انصايح الجامدة موووووووووت ديه
ايه ياعم انت عاوز العيال يغلسوا اكتر ماهما غلسين يعنى
بس جامدة والله

مدونتك حلوة اوى

تحياتى

ShAb 3AdY said...

عاشقة الوطن :
ربنا يخليكى يعنى احرجتينى بذوقك و الله

منورة البلوج طبعا

šσяšαяαα said...

المفروض تخللى العنوان ازاى تبقى شاب مرعب مش شاب غلس
ياشيخ حرااام عليك بقى دا منظر شاب
واللا اقوللك..ممممممممم..لاعبقريه منك الصورة دى
قوللى ليييييييه
اقوللك انا..دا كان شاب عادى جدا بس غلاسته هى اللى مش عاديه وطبعا بعد كل المواقف التحفه دى مش معقول هيفضل بشر عادى كدا زى باقى المبشورين.
اللى جراله دا توابع الغلاسه:
البت طلعت بتلعب كاراتيه وكونج فو ومصارعه يابانى وواضح من الصورة ايه اللى جراله.
بتاع الطحينه فقع عينه بالمعلقه ودلق على وشه طبق الشوربه الملهلب.
اصحابه قرروا التخلص منه بكهربته بفيشه التليفزيون.
وادى نهايه المغلساتى
ياجماعه انا دايما بحب اهدى النفوس بس اخونا شاب قلبه فى حته مسوسه من جوا وعاوز يحط صورنا جنب اخينا المهروس -الغلس سابقا:)
محلس لو كنت رغيت بس دى من قواعد الغلاسه الفرعونيه القديمه:)

ShAb 3AdY said...

hhahahahahhhahahhaa


eh da enty faze3a ya SoRsaRaa

el bashr el mabshoren

fakrteny b makola shahera

el ensan da zay el bany adama belzabt w lama ymot yetwafa

mnwra el blog ya SoRsaRaa

saba7 el 7ashrat

khaled said...

ههههههههههههه جامد موووز

vision said...

تحفه بجددددددددددددددددددددددددددددد

ShAb 3AdY said...

khaled ربنا يخليك دا بس من ذوقك
والله دا انتا اللى جامد بطيخ

ShAb 3AdY said...

camera_girl منورة البلوج و شكرا على الكومنت

سكتم بكتم said...

دمك خفيف قوي .بس لو عملت كدة حيبقي عقلك راخر خفيف.أسلوبك جميل ياريت تشرفني.تحياتي

hurricane_x said...

LOOOOOOOL :D
gamda 2wy :)

barbie girl said...

عملا بنصائح الرخامة ...فدا تعليقى..يع اخييييييييييييييه

ShAb 3AdY said...

سكتم بكتم :

دا بس من ذوقك

ان شاء الله هتلاقينى عندك فى البلوج

ShAb 3AdY said...

hurricane_x :

thanx ya man 3la el comment

Anas Emad said...

كل ده غلاسة ...

يا مفتري ...

وانا اقول
عمر غلس ليه ؟ و جايب الغلاسة ده كلها منين ...

جامده قووي شوية دروس الغلاسة ...


وانا بقرأها قبل الفجر 3 باليل

فضلت أضحك بصوت عالي في الصالة ......

الجيران قالوا الولد اتهبل ....

جاامده

شكرا علي الغلاسة

بانتظار باقي الدروس


.... وهو يا عمر ايه سبب مقالات الغلاسه ده ؟
هو فيه واحد صاحبك غلس قارفك في عيشتك ولا ايه ؟

ShAb 3AdY said...

منور البلوج يا انس

اخيرا حنيت علينا و حطيت كومنت
ايه يا عم انت كنت خايف تنور البلوج باسمك و لا ايه

انا ناوى اعمل مجموعة كاملة متخصصة فى الاحتراف فى الغلاسة و الرخامة و الغتاتة

بس بعمل دراسات و دراسة جدوى و حاجات كدة عشان اتمكن من الموضوع

همسات دافئه said...

ممكن برضه تبعت كومنت فاضى ومتفهمش الى قدامك حاجه
..........
................
....................
...........................
سلام

Bride Zone said...

يا ساتر يارب!
لو عشرة بس بيطبقوا اللي انت قلت عليه يبقى على الدنيا السلام!

ازيدك كمان نقطة؟
لو حد بيكلمك في موضوع جاد جدا قوم بنص الموضوع كده ودندن اغنية..
وشوف بقى ردة الفعل تبقى ازاي

:)