Saturday 7 April 2007

تــــــــــاج تجتوج متجتج





دى اول مرة اجاوب على تاجات و هحاول بقى تكون اجاباتى نموذجية و مش هغش من حد و لا برشام و لا موبايل و لا

بتاع ...... فكرتونى بأيام الامتحانات الله لا يرجعها ايام سووودة الواحد بيبقى قاعد فى اللجنة زى البرص الجعان و مركب دش على راسه اى كلمة تعدى من فوقه يلقط على طول ... اياااااااااااااام


ما علينا من الامتحانات دلوقتى خلينا فى التاج اللى جاللى من ارتعاشات حياتيه


نخش بقى على المفيد و سيبك من البعيد يلا كله جاهز شد نفس و اكتمه و فيش الهوامش و انزل معايا ........ أصــــــلى

-------------------------------

تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارستها ..


تنفصل عن عالم الواقع دى بتفكرك لما الواحد بيتكيف و يعمله دماغ عالية زى الواد بلية و دماغه العالية كدة اديها بقى جوينتات على كام خابور شد شدتين على نفسين شيشة يا سلاام بس انفصلت عن عالم الواقع خلاص ..... هههههههههه بهزر يا جماعة محدش يصدق انا اعمل الحاجات دى بردة !! انا شاب محترم يعنى بانجو مثلا بس لكن حشيش لا استغفر الله و البامجو بيقولو حلال .. بيقولو المفتى حلل البانجو لانه محلى الصنع !!
هوا الكمبيوتر طبعا من و انا صغير و انا بموت فيه يعنى لما ببقى ادامه بنسى نفسى و انسى العالم و انسى كل حاجة بس فى الآونة الاخيرة ... حلوة " الآونة " دى ؟ مبقتش بحبه زى الاول زهقت منه يا بابا مش قادر اكمل لازم نتفترق


*-*-*-*-*-*-*-*-*-*-*-*-*-*-*-*


هل مقدار سعادتك أو شعورك ايا كان- عند تمرير التاج لك- يختلف حسب المدون الذي يمرر لك التاج ؟


هيا بتختلف مع ان دا اول تاج ليا بس اكيد بيبى فى معزة خاصة لمدون معين و مدون تانى بيبقى له خروف مثلا يعنى هيا بتختلف بس دا بيختلف مع مبدأ المساواة و ان كلنا سواسية و مع مبادئ الحرية و الديمقراطية و المهلبية و نظرية على هبالو ....... بس لا والله عادى اى تاج يجيبلى من اى مدون بفرح و ببقى مبسوط اى كان المدون


-*-*-*-*-*-*-*-*-*-*-*-*-*-*-*-*


هل ترى للتاج أهمية حقيقية ؟


طبعا ابصلوطلى التاج له فوايد كتير كدة زى السفر سمعت انهم بيقولو له سبع فوايد .. البهدلة و القرف و مش عارف الباقى التاج بقى زيه كدة له فوايد .... بجد له فوايد يعنى مثلا بيديك فرصة انك تبعبر عن نفسيتك و تفك كدة عن نفسك و تخرج شحنات منخزنة جواك يعنى انا أعتقد انه فكرة حلوة

*-*-*-*-*-*-*-*-*-*-*-*-*-*-*-*-*

هل فكرت في عمل تاج خاص لك من قبل؟


لا يا عم تاجات مين بيقولو بيقبضو على اللى بيعملو تاجات الايام دى و يودوهم سجن ابو غريب و احنا مش اد سجن ابو غريب يا كبير

..... بس يمكن عشان انا لسه مدون جديد و كدة و دا اول تاج ليا لكن باذن الله يبقى فى تاجات كتير و حاجات كدة


*-*-*-*-*-*-*-*-*-*-*-*-*-*-*-*-*


هل تفضل قراءة اجوبة التاج عند المدونين الاخرين؟ أم لا تهتم سوى بالتدوينات الأخرى فقط؟


اكيد طبعا بحب اقرا اجوبة تاجات الاخوة المدونين يلا اشطة عشان محدش يزعل موننا


*-*-*-*-*-*-*-*-*-*-*-*-*-*


عندما ترد على التاج ما الذي تراعيه اكثر؟


براعى بقر و جواميس و حاجات كدة ... يعنى ممكن نقول بحاول تكون الاجابات وافية و كافية و لا تشير بأى حال من الاحوال الى اى شئ من الاشياء و اى غرض من الاغراض و اى فعل من الافعال ..... فاهمنى طبعا !! ؟


*-*-*-*-*-*-*-*-*-*-*-*-*-


هل تحرص على قراءة اجابات من تمرر لهم التاج ؟ و هل تغير إجابتهم للتاج شيئا في ادراكك لهم ؟


قطعا مو لما امرر لواحد تاج اكيد ببقى عايز اعرف اجاباته على التاج دا ولا ايه ؟ و هقتبس المثل الشعبى من ارتعاشات حياتيه

" قل لي ما تاجك .. اقول لك من انت "

*-*-*-*-*-*-*-*-*-*-*-*-


هل تلتزم حرفيا بأسئلة التاج ؟


ازاااى مينفعش دا يبقى تزوير فى اوراق رسمية و بيبقى مكتوب على كراسة الاجابة و لن يلتفت الى اى اجابات مش عارف ايه

اكيد شفتوها يعنى قبل كدة ؟ يعنى س سؤال يبقى الاجابة ج جواب بس


*-*-*-*-*-*-*-*-*-*-*-*-*-*-*-*


ما هي نوعية التاجات التي تفضلها؟


افضل تكون سكر زيادة منزوعة الدسم مع شوية نسكافيه بلاك و لو مفيش بلاك ممكن نسكافيه من غير لبن !! عادى


*-*-*-*-*-*-*-*-

هل كنت طالب شاطر فى المدرسة ؟

و ليه بس كدة الأسئلة اللى تكسف دى متخلو الطابق بعرور بقى ... انا لغاية 3 ابتدائى كنت شاطر و متفوق و طالب مثالى بعد كدة انجرفت مع التيار ... و ووقعنا بالطيارة !! بس محدش يفهمنى صح انا لسه شاطر بردة ... مش اوى يعنى


*-*-*-*-*-*-*-*-*-*-*-*-*

إيه أكتر مادة حبيتها في المدرسة والكلية؟


فى المدرسة كنت بحب الانجليزى و الالمانى اوى و فى الكلية بقى مش لاقى مواد احبها خالص


*-*-*-*-*-*-*-*-*-*-*


إيه أكتر مادة كرهتها في المدرسة والكلية؟


هيا بتختلف على فكرة اصل اللى بيزاكر بينجح و من جد و جد و من زرع حصد و كل سنة و انتو طيبين و كيلو البصل بكام ؟


*-*-*-*-*-*-*-*-*-*-


كنت عايز تطلع إيه وأنت صغنن؟


صغنن ايه بس انا عمرى ما كنت صغنن ... بس كنت عايز اطلع برج القاهرة بس لما كبرت الموضوع اتغير خالص طبعا تفكيرى اتغير و كدة و بقيت عايز اطلع الهرم

-*-*-*-*-*-*-*-*-*-*


اخيرا خلاص بــح بوجه شكر و تحية لـ ارتعاشات حياتيه لتمريره التاج ليا ... ربنا يخليك و يخليلك عيالك و يوقفلك ولاد الحلال فى طريقك و ميوقفكش فى ضيقة ابدا و يفكلك كل عقدة ... هات ربع جنيه بقى


يا رب مكنش تقلت عليكم

59 comments:

khaled said...

ماشى يا عمر خلاص اتاجيت
كده موش هتعرف تتجوز انتا حر
بس فى حاجه موش مظبوطه يا جماعه وبنادى الحكومه تحلها
احنا بائينا مدمنين كمبيوتر والله يا جماعه لازم لها حل كل واحد دلوقتى اشوف هوايته ايه يقوللى الكمبيوتر ويعد بقه يقول ده بقه كل حاجه فى حياتى وموش عارف ايه
ربنا يستر يا جماعه والله احنا داخلين على منعطف تاريخى
ولسه منعرفش هيودينا فين
يلا دنيا

*,*AMY LEE*.* said...

ههههههههههههه


حلو جدا جدا الإجابات بتاعتك
ههههههههه
احلى سؤال عاوز اطلع الهرم
لا بجد ربنا معاك
هو بصراحه الكليه تعمل ف الاوحد اكتر منكده
بس اجابااتك دبلوماسيه جدا

بس حلوه عل فكره واله زي سكره
تسلم بجد جميله

Anonymous said...

ههههههههههه
اجاباتك حلوه اوي و الله...دمك خفيف

واحـــد مـــــن الـنـــاس said...

هيا بتختلف فعلا يا عمر افندي


بس لما اشوفك ياض


وبعدين ايه حكاية في الكلية مش لاقي مواد تحبها دي ؟؟

اومال عنزة منية القلب تطلع ايه ؟؟

Music Gates said...

ادي اديله اوعي ترحمه ادبست في التاج ان شاء الله هدبسك في واحد و كل ما تخلص تاج ههدبسك في تاج و هبلغ كل المدونين يدبسوك في تاجات هيع هيع هيع

-_- said...

ايه يا عم الردود الهايلة دي ؟

khaled said...

مشكوووور على التاج يا باشا

FrEe.PhArAoH said...

هههههههههههههههههههههه

دحنا بلديات بقا
حلوه ردودك .. دمها خفيف اوى
حلو موضوع الغلاسة دا .. انا بردو بقول الكلام دا مش غريب عليا :)

تحياتى ياباشا

Ahmed said...
This comment has been removed by the author.
Ahmed said...

تاج حلو واجابات حلوة ومدونة اخر حلاوه

Ma 3lina said...

مبروك التاجات الكتيرة دى

ردودك جامدة و

ماا عليناا

أمــانــى said...

مبروك مبروك
بس قولى ايه الواد الروش ده اللى عامل يرقص علطول اللى البيروفيل اوعى تكون انت
:D

ShAb 3AdY said...

والله يا خالد الجواز قسمة و نصيب

نعمل ايه بقى هيا الدنيا كدة

انتا بتنادى الحكومة ليه بس سيبها فى حالها و خلينا فى حالنا احسن ما تصدق
وتيجى

و ساعتها بقى البلوج يتقلب و حاجات كدة

منور البلوج يا خالد بيه

ShAb 3AdY said...

amy lee :

ربنا يخليكى دا بس من ذوقك

و الله الكلية بتعمل فى الواحد اكتر من كدة بس نعمل ايه بقى

اجاباتى دبلوماسية ايوة اصل كنت شغال فى الحبل الدبلوماسى ايام زمان

ShAb 3AdY said...

ert3ashat :

دا انتا اللى حلو والله

منورنا دايما كدة

بسمه عبدالباسط said...

أيه الردود دى
ده أنت هايل
هاتخلى اى حد يفكر يبعت لك تاج يغير رأيه انت حر

ShAb 3AdY said...

واحـــد مـــــن الـنـــاس :

انا بقول مواد يا على مش حاجات تانية

بس هيا احلى واحدة ... ام مادة واحدة

ShAb 3AdY said...

copa :
ايه دا لأ كدة مش هلاحق على التاجات

و افتح محل تاجات اتجتج فيه و اعمل بقى ديليفرى لتوصيل التاجات للمنازل

و كل تاج عليه تاج هدية

ShAb 3AdY said...

Sharm :

دا بس من ذوقك و الله

منور البلوج

ShAb 3AdY said...

khaled :

ى شكر على واجب التاج علينا حق يا راجل

ولا ايه

ShAb 3AdY said...

FrEe.PhArAoH :

يا اهلا باجدع ناس

سلام كبير اوى لولاد بلدنا

الحلوين اوى

منور البلوج

ShAb 3AdY said...

Ahmed AL-Hussany :

دا انتا اللى حلو والله و اخر حلاوة

اهلا بيك فى البلوج يا احمد

ShAb 3AdY said...

Ma-3lina :

الله يبارك فيكى و عقبالك

منورة البلوج طبعا

ShAb 3AdY said...

أمــانــى :

الله يبارك فيكى يا أمانى

الواد دا معرفوش والله هوا اللى كل ما اروح فى حتة الاقيه اعد يرقص كدة

ShAb 3AdY said...

BOS BOS :

ربنا يخليكى دا انتى اللى هايلة والله

بس يا ريت متكونيش بتجاملى عشان احنا بلديات يعنى

david santos said...

Hello, Shab!
Thanks for you work. Have a good weekend

Hamza matar said...

http://whiskeypuzzler.blogspot.com/search/label/poetry

ShAb 3AdY said...

thanx david santos for ur comment

ShAb 3AdY said...

thanx WHISKEY PUZZLER for ur comment

كلبوزة لكن سمباتيك said...

هههههه
برص جعان و دش
اجاباتك لذيذة
هات حتة

reri said...

ههههههههههههههههه
دمك زي العسل ياعمر... بجد إجاباتك تحفه

سلاااااااااام

smraa alnil said...

ههههههههههههه

ايع يعم
ارتعاشات قالك جاوب علي التاج
مش تتلامض

ههههههههههههه
بس عجبتني اجاباتك اوي

عرفتني انك دك خفيف

ShAb 3AdY said...

Sampateek :

اتفضلى والله خدى التاج باجاباته كلها

بالبلوج لو عايز و صاحب البلوج و بلد البلوج

منورة البلوج

ShAb 3AdY said...

reri :

والله انتى اللى عسل يا ريرى

ربنا يخليكى

ShAb 3AdY said...

smraa alnil :

مش مشكلة بقى المهم انى جاوبت على التاج و خلاص


بتحرجينى بذوقك والله يا سمرا

مش عارف ابعبرلك عن الاحراج الفظيع يعنى اللى انا فيه دلوقتى من ذوقك

منورة البلوج

whiteangel said...

ههههههههههههههههههههههههههه

يا حلاوه يا ولاد

انا طلعت من البوست بخير الحمد لله
يا حلولى يا حلولى هههههههههههههه

اجاباتك فى منتهى الجمال ودمك خفيف جدا فيها

والاتنين اللى بيؤدوا لهذه النتيجه
الكمبيوتر والكليه
والدوله هى اللى فى ايديها الحل
يا اما يبنولهم بيوت يا اما يوفرولهم الكوله
هههههههههههههههههه

وانا عن نفسى برجح انهم يعملولهم سندوتشات حلاوه بالقشطه

والسلام عليكم ورحمه الله وبركاته

Unknown said...

مبروك ياسيدي علي أول تاج في حياتك, بس ده مش تاج واحد دول مجموعه, بس انت فعلا اجاباتك دمها خفيف.

متغيرة شوية said...

ارتعاشات مروق نفسه وصحابه بالتاجات

بس أنا حاسة كده والله أعلم ان التاج ده ناقص...مش كده ولا ايه؟

Anonymous said...

السلام عليكم

طريقتك خفيفة في الاجابة

صغنن إيه بس أنا
عمري ماكنت صغنن
هههههههههه
سلاماتي
:)

نفسنا said...

أحسن حاجة فى التاجات دى أنها بتعرفنا ببعض أكتر وياسلام بقى لو واحد ردة بيكون دبلوماسى كده

Shreef said...

يخربيت عقلك دمك خفيف يا واد...حلوة حكايية كان نفسي اطلع برج القاهرة ديه..تحياتي ليك

الزعيـمة said...

جميلة اجاباتك ودمها خفيف
ربنا يوفقك فى حياتك وتحقق التتمناه


تقبل ارق التحية

šσяšαяαα said...

كل يوم تاج تاج مفيش وسام واللا حاجه:))))

طيب بلاش وسام خد دا احسن
اهم الانباء فى عالم التدوين:
ــــــــــــــــــــــــــــــــــــــــــ

"مسابقه افضل موضوع"
http://best-post.blogspot.com/

"من أجل مدونات نظيفة"
http://5fadfada.blogspot.com/2007/04/blog-post_20.html

"تصميمات الشعار وأكوادها"
http://takhareef-sorsaraa.blogspot.com/2007/04/blog-post_21.html

ياريت تشرفونا وتشاركوا معانا فى المواضيع دى

t3ban said...

أعشق الدبلوماسية و الأجابات الغنية بالأنفاعلات الفكاهية
فعلا ربنا معاك

Memo said...

انت دمك زي العسل و مش شاب عادي خالص
تحياتشي

ShAb 3AdY said...

esraa :

الله يبارك فيكى

و الله انا اخدت التاج كدة زى ما هوا من ارتعاشات معرفش بقى دول مكس تاجات و لا ايه

على العموم منورة البلوج

ShAb 3AdY said...

متغيرة شوية :

والله ارتعاشات عامل معانا الواجب و زيادة

ايه يا جماعة هوا حد يقولى دول اكتر من تاج و حد يقولى التاج ناقص

اثبتو على رأى بقى

ShAb 3AdY said...

whiteangel :

ربنا يخليكى و يكتر من امثالك والله

انتى بتحرجينى بذوقك فعلا

كوله ايه بس خلينا فى السندوتشات احسن

بس انا مبحبش القشطة

خليها سندوتش كشرى بقى

ShAb 3AdY said...

mesh2dra :

و عليكم السلام و رحمة الله و بركاته

ربنا يخليكى منورة البلوج

و يا ريت متكونش دى اخر زيارة

ShAb 3AdY said...

نفسنا :

صحيح التاجات بتعرفنا ببعض اكتر

و بتعرفنا على نفسنا كمان

منور البلوج

ShAb 3AdY said...

shreef :

ربنا يخليك يا شريف

منور الدنيا

والله انا دلوقتى بقى نفسى اطلع اسكندرية

ShAb 3AdY said...

الزعيـمة :

دا بس من ذوقك والله

منورة البلوج و ربنا يكتر من زياراتك

ShAb 3AdY said...

SoRsaRaa :

والله لو عندك ليا وسام يبقى تشكرى يا ستى

حلوة امم الانباء فى عالم التدوين

و ان شاء الله نشارك

ShAb 3AdY said...

t3ban :

ربنا يخليك و ان شاء الله متكونش اخر زيارة

ShAb 3AdY said...

Memo :

والله انتى اللى عسل يا ميمو

ايه النور دا

والله نورتى البلوج فعلا

و يا رب متكونش اخر زيارة

Esmeralda said...

يا واد يا جامد انت ;)
انا كمان جالى التاج ده
بس بتاع الهوايه كان ناج لوحد
شوفته عندى؟؟؟؟؟؟؟

ها و ربنا وفقك و طلعت الهرم و لا لسه؟؟

خد نص جنيه اهه





و هات الباقى

خيخيخيخخخخخخخخخخخخ

khaled said...
This comment has been removed by the author.
khaled said...

ايه يا ابنى موش ناوى
تيباسط بوسط ولا ايه؟

R.R said...

بصراحه نادرا اما اقرى تاجات لناس معرفهمش

بس كان عندى وقت فراغ وقريت ردودك الجامده اوى

لا اجابات فعلا شافيه وكافيه
:)
يلا تحياتى